RH: Waxaa jirta kiis aad u culus oo ka dhacday Odense, Denmark, halkaas oo nin lagu sameeyay jirdil iyo tacaddi ba'an muddo dhowr maalmood ah. Laba nin ayaa ilaa hadda lagu xukumay kiiskan - Mohamed Hussein Musa oo 35 jir ah, ayaa lagu xukumay laba sano oo xabsi ah sababo la xiriira jirdil daran iyo xadgudub xoriyadda, iyo nin 33 jir ah, kaas oo lagu xukumay sagaal bilood oo xabsi ah sababtoo ah uu gurigiisa u fidiyay qayb ka mid ah jirdilka.
Waxaa loo maleynayaa in dambiilayaashu aaminsanaayeen in dhibanuhu yahay basaas u shaqeeya booliska. Dhibbanaha ayaa si joogto ah loo garaacayey, loogu laaday kabo, lagu dhuftay koronto ka imanaysa bastoolad koronto, laguna jarjaray mindi, laguna gubay laambad yar. Sidoo kale waxaa la afduubay oo la haystay in muddo ah.
Sidoo kale, waxaa la sheegay in labada eedeysane iyo dhibbanuhu ay xubno ka yihiin kooxda 9hunna, oo saldhiggeedu yahay Vollsmose ee Odense, oo ka kooban dad asal ahaan ka soo jeeda Soomaaliya.
Xukunka ayaa la riday, waxaana eedeysaneyaashu codsadeen waqti ay kaga fikiraan inay racfaan ka qaataan xukunka iyo inkale.
Fiiro gaar ah. sawirku ma aha labada nin ee laxumay waase sawir loo ekaysiiyay sheekada.